مملحات المقلة سهلة بحشوه اقتصادية

: المقادير

3 كأس فرينة
1 م ك خميرة الخبز
1 م ك سكر
4 م ك زيت
1 ياهورت طبيعي
ماء دافئ
ملح

: طريقة التحضير

نخلط الفرينة مع الخميرة و السكر ثم نضيف الملح و نخلط، ثم نضيف الزيت و نخلط ثم نضيف الياهورت الطبيعي و الماء دافئ و نخلط حتى نتحصل على عجينة طرية، ثم ندلكها حوالي دقيقتين



ندهن الوعاء بقليل من الزيت ثم نضع العجينة و نغطيها و نتركها ترتاح 10 دقائق، ثم نشكلها كرات و نضعهم في صينية مدهونة بالزيت و ندهنهم من الاعلى بالزيت و نتركهم يخمروا 30 الى 45 دقيقة



نفتح الكرات على شكل دائري فوق طاولة العمل مدهونة بالزيت، ثم نحشيهم بكمية من الجبن و التونة و شرائح الزيتون، ثم نغلقهم و نتركهم يرتاحوا 10 دقائق على الاقل



نطيبهم في مقلاة مدهونة بالزيت على نار قليلة، و بعد ما يطيبوا من الاسفل نقلبهم و ندهنهم بالزيت او الزبدة و نتركهم حتى يطيبوا من الجهة الاخرى، ثم نقلبهم على الجوانب حتى يطيبوا كذلك

بالصحة و الهنا