خبزة برغر من أروع الوصفات الصيفية

وصفة اليوم هي وصفة مقبلات مقدمة من ام وليد ,اليكم طريقة التحضير.

المقادير

4 كأس فرينة
1/2 كأس زيت
1 م ك خميرة الخبز
1 م ك سكر
1 ياهورت طبيعي
ماء دافئ
ملح
5غ خميرة كيميائية

مقادير الحشو:
1 بصلة كبيرة
لحم مفروم
بيض
جبن السندويتش
ملح و فلفل اسود

طريقة التحضير

نخلط الفرينة مع الخميرة و السكر و الخميرة الكيميائية ثم نضيف الملح و نخلط ثم نضيف الزيت و نخلط جيدا، ثم نضيف الياهورت الطبيعي و نخلط، ثم نجمع الخليط بالماء الدافئ حتى نتحصل على عجينة طرية



ندلك العجينة حوالي دقيقتين ثم نقسمها على جزئين و نشكلهم كرات، ثم نضعهم في صينية و ندهنهم بالزيت و نغطيهم بكيس بلاستيكي و نتركهم يرتاحوا نصف ساعة على الاقل



لتحضير الحشو نقلي البصل في قليل من الزيت ثم نضيف اللحم المفروم و الملح و الفلفل الاسود و نقليهم جيدا مع بعض



نفتح اول جزء من العجينة على شكل مستطيل رقيق ثم نضعها في صينية فيها ورق طهي و نسويها جيدا ثم نثقبها بالشوكة، بعد ذلك نضع طبقة من الحشو ثم نضيف البيض و نفتحه ثم طبقة من جبن السندويتش



نفتح الجزء الثاني من العجينة بنفس الطريقة ثم نضعها في الصينية و نغلق الاطراف و نضغط عليهم، ثم ندهنها بالبيض و نشكل خطوط بظهر السكين و نزينها بالسانوج



نتركها ترتاح 10 دقائق و نشعل الفرن يسخن الوقت على 220 درجة، ثم ندخلها للفرن و نشعله من الاسفل فقط حتى تطيب ثم نشعله من الاعلى حتى تأخذ لون أحمر، ثم نقسمها حسب الخطوط

بالصحة و الهنا