حلوى جافة رائعة اقتصادية بالليمون و جوز الهند

نقدم لكم اليوم وصفة جديدة للحلويات سهلة التحضير و بمقادير بسيطة مقدمة من أم وليد .

المقادير

250غ مارغرين
1 بيض
1 صفار بيض
1 كأس سكر ناعم
1 كأس جوز الهند
1 خميرة كيميائية
فرينة
منكه الليمون

مقادير السيرو:
2 كأس ماء
1 كأس سكر
شريحة ليمون

طريقة التحضير

نخلط جيدا المارغرين طرية مع البيضة و صفار بيضة و السكر الناعم و جوز الهند و المنكه (او زاست الليمون)، ثم نضيف الفرينة (تدريجيا) و الخميرة الكيميائية و نخلط حتى نتحصل على عجينة طرية



نشكل العجينة كريات و نضعهم في صينية فيها ورق طهي، ثم ندخلهم للفرن ساخن مسبقا على 180 درجة حتى يطيبوا و يأخذوا لون ذهبي، ثم نتركهم يبردوا



لتحضير السيرو نخلط الماء مع السكر و شريحة الليمون ثم نضعهم فوق النار يغلوا لمدة 10 دقائق، ثم بعد ما يبرد السيرو نغطس فيه الحلوة و نرمدها في جوز الهند

للتزيين نغطس اسفل الوردات الحمراء في المربى ثم نلصقهم فوق الحلوة، و التزيين يبقى اختياري

بالصحة و الهنا