دونات هشة و لذيذة في الفرن بدون قلي

عجينة بزاف خفيفة لعمل دونات في الفرن و تصلح ايضا للدونات المقلية و التزيين يبقي اختياري .

المقادير

كأس حليب دافي
2 حبات بيض
ملعقة كبيرة خميرة الخبز
2 ملاعق كبيرة سكر
ملعقة كبيرة زبدة
فرينة
ملح

للتزيين :
شكولاطة سوداء
شكولاطة بيضاء

طريقة التحضير 

نخلط جيدا المكونات الأساسية (الحليب و السكر و خميرة الخبز و البيض) , ثم نضيف القليل من الملح .

نبقى نضيف الفرينة بشكل تدريجي و نلمها باليد .

نضيف اليها القليل من الزبدة و نبدء بدلكها جيدا على الطاولة حتى تدخل كمية الزبدة الى كامل العجينة .

نضع العجينة الطرية في اناء و نغطيها بكيس بلاستيكي لترتاح على الأقل 30 دقيقة .

نضع القليل من الفرينة على الطاولة و نفتح العجينة لدلكها بالمدلاك الخشبي حتى يصبح سمكها رقيقا حوالي 1 سم .



نقسم العجينة الى دوائر دونات صغيرة عبر طابع دائري .

نحكم مول أخر دائري أصغر منه لنضع ثقب في وسط الدونات , لنزيل الثقب الصغير و نضع الدونات التي تم تشكيلها في الصينية .

نترك صينية الدونات ترتاح لمدة 15 دقيقة حتى يتضاعف حجمهم و ندخلهم بعدها في فرن درجة حرارته 200 درجة .



للتزيين نذوب الشكولاطة في حمام مائي ثم نضيف اليها ملعقة كبيرة زيت و نقوم بغمس الدونات فيها من فوق .

و نمرر بعدها خطوط الشكولاطة البيضاء (اختياري) .

شهية طيبة

ملاحظة

يمكنك اعداد نفس الوصفة على المقلاة .