حلوة كحلوشي الزين المعسلة، السهلة و الرائعة

اليكم طريقة اعداد حلوة كحلوشي الزين المعسلة مقدمة من أم وليد.

المقادير

250غ مارغرين
3 م ك سكر غلاص
2 صفار بيض
1 بيض
1 م ص فانيليا
1,5 م ك كاكاو
3 م ك زيت
1 كأس كوكاو
5غ خميرة كيميائية
فرينة

طريقة التحضير

نخلط المارغرين مع الفانيليا و السكر غلاص و البيضة و صفار البيض و الكوكاو و الكاكاو (محمص و مطحون) و الزيت حتى يصبح الخليط كريمي، ثم نضيف الفرينة (تدريجيا) و الخميرة الكيميائية و نخلط حتى نتحصل على عجينة طرية



نشكل العجينة كرات (30غ) و نغطسهم في بياض البيض مخلوط قليلا ثم نرمدهم في كوكاو مطحون خشين و غير محمص و نضغط قليلا ثم نضعهم في لي كيسات، ثم نغطس انصاف الكرز المجفف في البياض و نزين به الحلوة




ندخلهم للفرن على 180 درجة مشعول من الاسفل فقط حتى يطيبوا، و بعد ما نخرجهم مباشرة نعسلهم بحوالي ملعقة كبيرة عسل لكل حبة، ثم نتركها تبرد

بالصحة و الهنا