خبزة محشية بعجينة تذوب في الفم و حشو كريمي رائع

اليكم خبزة محشية بعجينة تذوب في الفم و حشو كريمي رائع مقدمة من أم وليد .

المقادير

3 كأس فرينة
1 م ك خميرة الخبز
1 م ص سكر
2 م ك حليب بودرة
1/2 كأس زيت
ماء دافئ
ملح
مقادير الحشو:
1/2 صدر دجاج
1 بصل
فطر

طريقة التحضير

نخلط الفرينة مع الخميرة و السكر و الحليب بودرة ثم نضيف الزيت و الملح و نخلط جيدا، ثم نضيف الماء الدافئ (تدريجيا) و نخلط حتى نتحصل على عجينة طرية و تلتصق



ندلك العجينة حوالي دقيقتين حتى تصبح ملساء و لا تلتصق، نقسم العجينة الى كرتين متساويتين و نضعهم في صينية مدهونة بالزيت و نغطيهم و نتركهم يرتاحوا 30 دقيقة على الاقل



نقلي الفطر (شومبينيو) في ملعقة زبدة و الملح و الفلفل الاسود و المعدنوس ثم نضيف فص ثوم مبشور و نقليهم ثم ننزعهم من المقلاة



نقلي البصلة في قليل من الزيت ثم نضيف الدجاج و الفلفل الاسود و الملح و المعدنوس و نقليهم جيدا، ثم نضيف الفطر و نخلطهم ثم نضيف 1/2 كأس كريمة طازجة و نتركهم يغلوا حوالي دقيقتين



نفتح كرة من العجينة في صينية فرن مدهونة بالزيت، ثم نضع الحشو و نضيف جبن مبشور، ثم نفتح الكرة الثانية من العجينة و نغطي بها الحشو و نغلق الاطراف جيدا



نثقبها قليلا و ندهنها بالبيض و نرشها بالجبن مبشور، بعد ذلك نشعل الفرن يسخن على 180 درجة لمدة 15 دقيقة ثم ندخل الفطيرة حتى تطيب

بالصحة و الهنا