كيكة بذوق الليمون 🍋و غلاصاج الكرامال الرائع ، تناغم مميز في الطعم😋😋

اليكم طريقة تحضير كيكة بذوق الليمون و غلاصاج الكرامال الرائع ، تناغم مميز في الطعم مقدمة من أم وليد .

المقادير

حبة ليمون

4 حبات جبن مثلثات

1 كاس سكر عادي

1 كاس حليب

3/4 كاس زيت

1 كيس و 1/2 خميرة كيماوية ال 15 غ

3 كؤوس فرينة

التزيين: 

100 غ شوكولاطة بيضاء

1 علبة ياغورت ذوق كراميل

شوكولاطة حليب

حبيبات الشوكولاطة

طريقة التحضير

ناخذ مول قطره 28 سم ندهنه بالزبدة و نرشة بالفرينة و نتركه على جنب في نفس الوقت نشعل الفرن على 180 درجة؛ في اناء نضع الجبن، البيض ، السكر، قشور حبة الليمون، عصير حبة الليمون و نخلطهم مع بعض بالخلاط الكهربائي جيدا؛




ثم نضيف الحليب، الزيت و نخلط ، نضيف 2 كؤوس فرينة مع الخميرة الكيماوية و نخلطهم باستخدام الملعقة ثم نضيف الكاس الثالث و نخلط حتى نتحصل على خليط رطب و متجانس، نسكبه في المول و ندخله للفرن على 180 درجة حتى يجهز، نتركها على جنب لتبرد؛




نضع الشوكولاطة البيضاء في اناء و نضيف لها ياغورت ذوق كراميل و نضعها على نار قليلة حتى تسخن فقط و ننزعها و نخلطها مع بعض حتى تنسجم؛




ندهن بها السطح و جوانب الكيكة ثم ناخذ شوكولاطة الحليب نضعها في كيس حلواني و نزين بها على شكل خطوط ثم ناخذ عود الاسنان و نعمل به تموجات؛



و ناخذ حبيبات الشوكولاطة و نزين بهم الاطراف و دائما التزين يبقى اختياري؛



بالصحة و الهنا