عندك مشكل مع المحاجب و متعرفيش ترفديهم ، جبتلك الحل اللي راح يهنيك و ميجوكش خشان

اليكم طريقة تحضير المحاجب بمقادير مضبوطة مقدمة من أم وليد .

المقادير

العجينة: 

4 كؤوس فرينة ما يعادل 500غ

1/2 ملعقة صغيرة خميرة الخبز

1/2 ملعقة صغيرة خميرة كيماوية

1/2 ملعقة صغيرة سكر

ملح

2 ملاعق كبيرة زيت

ماء دافىء

الحشو: 

1 بصلة

1 حبة طماطم

ملح

فلفل اسود

قليل من الزيت

طريقة التحضير

في اناء نضع الفرينة، خميرة الخبز، خميرة كيماوية، سكر و نخلط المواد الجافة مع بعض ثم نضيف رشة ملح،2 ملاعق كبيرة زيت و نخلط بالماء الدافىء و نلم حتى نتحصل على عجينة؛ 

 
نضع العجينة على طاولة العمل و نقوم بدلكها لمدة تتراوح ما بين 2 الى 3 دقائق حتى نتحصلوا على عجينة طرية و رطبة ؛ 

 
نضعها في اناء و نضيف لها ملعقة كبيرة زيت و نغطيها بكيس بلاستيكي و نتركها ترتاح حوالي 30 دقيقة؛ 

 
ناخذ سنية ندهنها بالزيت .نقسم العجينة الى قسمين متساويين، القسم الأول نقسمه الى كرية كبيرة و 6 كريات صغيرة؛نفس الشيء مع الجزء الثاني؛ 

 
ندهن وجه الكريات بالزيت و نتركهم يرتاحوا لمدة 15 دقيقة و بعد تغطيهم بالكيس البلاستيكي ؛



في مقلاة نضع قليل من الزيت و نضيف البصل حتى يتقلى قليلا و نضيف الطماطم و الملح و الفلف و نقليهم مع بعض حتى نتحصل على صلصة، ثم في مكان العمل نضع كرة من العجين و نفتحها باليد جيدا ؛




نضع طاجين او مقلاة فوق النار و نضع فيها قليل من الزيت و نضع فيها العجينة و نفتحها قليلا و في الوسط نضع الحشو و نسويه؛



نبدا بطي الجوانب حتى نتحصل على مربع و نقلبها من الجهتين حتى تاخذ اللون الاحمر؛

و هكذا حتى نكمل كل الكمية؛



بالصحة و الهنا