وصفات ام وليد

اليكم طريقة تحضير بتي بان مورق و خفيف ، محشي شوكولا ، طريقة بسيطة و سهلة التحضير مقدمة من أم وليد .

المقادير

4 كؤوس فرينة (500 غ)
1/2 كأس زيت
3 م ك سكر
1 م ك خميرة
1 خميرة كيميائية
1 بيض
حليب دافئ

طريقة التحضير

في اناء نضع الفرينة، السكر،خميرة الخبز،قرصة ملح ، زيت و نخلطهم مع بعض حتى يتبسس ثم نضيف الخميرة الكيماوية و نخلط، في الوسط نعمل حفرة نضع فيها البيضة و نسكب الحليب و نفتحها ثم نلم العجينة و ندلكها لمدة 3 دقائق و نتركها ترتاح لمدة 20 دقيقة؛



نشكلها حربوش و نقطعها الى 8 كريات و نغطهم و نتركهم يرتاحوا 5 دقائق؛




ناخذ الكرة الاولى نضعها في مكان العمل و نضعها و نفتحها بالحلال على شكل دائرة ثم ندهنها بالزبدة و نفتح الكرة الثانية كما الاولى و نضعها فوقها وهكذا حتى نكمل الكرات الثمانية؛

ثم نفتحها بالحلال على شكل مستطيل و نقسمه الى 3 شرائح ، نضع في الجنب شوكولاطة الطلى ونلف و نقطع؛



نضعها في سنية و ندهن السطح بخليط البيض،الفانليا و الحليب ونتركها ترتاح لمدة 15 دقيقة و ندخلها الى فرن مسخن من قبل على 200 درجة حتى تاخذ اللون الاحمر؛؛



شهية طيبة