خبز خفيف و بقوام متماسك بملعقة زيت واحدة فقط👍هايل مع الشريبة 😋

اليكم طريقة تحضير خبز خفيف و بقوام متماسك بملعقة زيت واحدة فقط , هايل مع الشريبة مقدمة من أم وليد .

المقادير

1 كاس حليب دافىء

1 ملعقة كبيرة زيت

1 ملعقة كبيرة خميرة الخبز

1 ملعقة كبيرة سكر عادي

2 كؤوس و 2 ملاعق كبيرة فرينة

جبن مبشور

طريقة التحضير

في اناء نضع الحليب،الزيت،الخميرة ، السكر و نخلطهم مع بعض ثم نضيف الملح و نخلط بالملعقة حتى ينساجموا و نضيف الفرينة و نخلط بالملعقة الخشبية حتى تتلم ثم نلمها باليد و ندلك و نغطيها و نتركها ترتاح لمدة 30 دقيقة؛

نرش عليها الفرينة و ننزعها من الاناء و نضعها فوق سطح العمل و نلمها و نقسمها الى قسمين، ناخذ القسم الاول نفتحه قليلا و نضع في الوسط الجبن المبشور ؛

و نغلق عليه و نضعها في السنية و نفتحها قليلا و نتركها تخمر لمدة 15 دقيقة .نفس الشىء مع القسم الثاني؛

ندهنها بصفار بيضة مع حليب و قهوة سريعة الذوبان و نزينها باستخدام الاصابع على شكل مربعات و نتركها ترتاح لمدة 15 دقيقة في هذا الوقت نشعل الفرن يسخن على 200 درجة؛

ثم ندخلها للفرن حتى تطهى و تاخذ اللون الاحمر؛

بالصحة و الهنا