احسن و اسهل من هاد التارت مكانش ، محشية كريمة و مغلفة شوكولا🍫😋

اليكم طريقة تحضير التارت ، محشية كريمة و مغلفة شوكولا مقدمة من أم وليد.

المقادير

125غ مارغرين طرية

2 ملاعق كبيرة سكر رطب

2 ملاعق كبيرة زيت

1 بيضة كاملة

1/2 ملعقة صغيرة خميرة كيماوية

فرينة

1/2 كاس حليب

1 كاس بودرة الشونتى

250 غ شوكولاطة الطلاء

1 ملعقة زيت

التحضير

في اناء نضع المارغرين ،سكر رطب ،زيت، بيضة و نخلطهم مع بعض ثم نضيف قليل من الفرينة ، خميرة كيماوية و نخلطهم.

نضيف الفرينة تدريجيا حتى نتحصل على عجينة طرية

نشكلها في مول التارتولات حجم صغير و نضعها في سنية ثم ندخلها للفرن على 180 درجة حتى تاخذ اللون الاحمر؛

نحضر الكريمة حيث نضع الحليب مع كريمة الشونتى و نخلطهم بالخلاط الكهربائي جيدا حتى نتحصل على كريمة ثقيلة؛

نضعها في كيس حلواني و نملا بها التارتولات ثم ندخلها للثلاجة لمدة 15 دقيقة حتى تبرد؛

ناخذ شوكولاطة الطلاء و نقطعها الى قطع صغيرة ثم نضعها فوق حمام مائي حتى تذوب و نضيف لها ملعقة زيت و نخلطها جيدا ؛

نغمر فيها التارتولات من فوق حتى تتغلف بالشوكولاطة ، حتى نكمل كل الكمية؛

نزينها بحبيبات الشوكولاطة و نضعها في الثلاجة حتى تتماسك ثم نقدمها؛؛

بالصحة و الهنا