حلوة جافة محشية جوز الهند بغلاصاج و تزيين بالشوكولا سهل و بسيط و البنة 😋😋😍

اليكم طريقة تحضير حلوة جافة محشية جوز الهند بغلاصاج و تزيين بالشوكولا سهل و بسيط مقدم من أم وليد .

المقادير

125 غ مارغرين طرية

2 ملاعق سكر رطب

2 ملاعق كبيرة جوز الهند رقيق 

1 بيضة كاملة

1/2 ملعقة صغيرة خميرة كيماوية

فانيليا

فرينة

2 كؤوس جوز الهند مطحون

حليب مركز محلى

القلاصاج:

200 شوكولاطة حليب

1 ملعقة كبيرة زيت

طريقة التحضير

في اناء نضع المارغرين الطرية،السكر الرطب،البيضة،الفانليا،جوز الهند و نخلطهم باليد حيث يصبح الخليط كريمي ثم نضيف قليل من الفرينة و الخميرة الكيماوية و نخلط؛

ثم نضيف الفرينة تدريجيا و نلم حتى نتحصل عل عجينة طرية ، ناخذ كرة صغيرة و نضعها في المول و نسويها حتى نتحصل على الشكل النهائي ثم نثقبها و نضعها في سنية و ندخلها للفرن على 180 درجة حتى تاخذ اللون الاحمر؛

ناخذ جوز الهند و نطحنه ثم نقيس 2 كؤوس و نضعها في اناء و نضيف لها الحليب مركز المحلى و نخلطهم مع بعض حتى تتلم

ناخذ كمية من الحشو و نشكلها على شكل كرة و نضعها في وسط الحلوة و نضغط قليلا حتى تلتسق و في نفس الوقت يجب مراعاة عدم كسر الحلوة؛

ناخذ شوكولاطة الحليب نذوبها في حمام مائي ثم نضيف لها الزيت و نخلط بعد ذلك نغطس فيها وجه حبة الحلوى فقط؛

ثم نزينها بدوائر شوكولاطة تتباع جاهزة و لما تجف نضعها في حاويات و نقدمها؛

ملاحظة: بهاته الكمية تحصلت على 24 حبة؛

بالصحة و الهنا