صابلي تروفل المحشية ، بنتها خرافية بغلاصاج شوكولا و طريقة بزاف بسيطة

اليكم طريقة تحضير حلويات صابلي تروفل المحشية ، بنتها خرافية بغلاصاج شوكولا و طريقة بزاف بسيطة مقدمة من أم وليد .

المقادير

125 غ مارغرين طرية

1 بيضة كاملة

2 ملاعق كبيرة سكر عادي

2 ملاعق كبيرة نشا،

1 ملعقة كبيرة كاكاو بني مر

1/2 ملعقة صغيرة خميرة كيماوية

2 ملاعق كبيرة زيت، فرينة

1 كاس من البسكوي المطحون

1 كاس من الكاوكاو مطحون

حليب مركز ذوق كراميل

شوكولاطة

طريقة التحضير

في اناء نضع المارغرين،السكر،بيضة ، زيت و نخلطهم مع بعض حتى يصبح الخليط كريمي؛

نضيف الكاكاو،النشا و نخلط حتى ينساجموا ثم نضيف قليل من الفرينة و الخميرة الكيماوية و نخلط و نضيف الفرينة تدريجيا و نخلط حتى نتحصل على عجينة طرية لا تتلسق، نضعها فوق كيس بلاستيكي و نفتحها بالحلال.

نطبعها باستخدام طابع على شكل ترافل و نضعها في سنية بها ورق الطهي و ندخلها لفرن مسخن على 180 درجة حتى تطهى؛

في اناء نضع البسكوي المطحون و نضيف له الكاوكاو المطحون و نلم باضافة حليب مركز ذوق كراميل حتى نتحصل على خليط متجانس نضعهم في مول سليكون يحتوى على اشكال نصف دائرة و نتركهم لمدة 5 دقائق حتى يجفوا و يتماسكوا؛

نضع على وجه البسكوي حليب مركز و نلصق فوقه 3 كريات و نضعهم في سنية حتى تجف؛

نضع الشوكولاطة فوق حمام مائي حتى تذوب ثم نضيف لها الزيت و نخلط بعد ذلك نغطس فيها حبة القاطو بعد ما نضعها فوق شوكة و نخرجه و هكذا حتى نكمل كل الكمية.

نزينها بحبيبات الشوكولاطة و نتركها تجف ثم ننزع لها الزوائد من الاطراف و نضعها في حاويات و نقدمها، بهاته الكمية تحصلت على 20 حبة.

بالصحة و الهنا