مملحات حلزونية بعجينة خفيفة و بنينة و حشو ولا أسهل و طريقة تشكيل جد بسيطة

اليكم طريقة تحضير مملحات حلزونية بعجينة خفيفة و بنينة مقدمة من أم وليد .

المقادير

كأس حليب دافيء

 زيت

بيض

خميرة الخبز

سكر

الملح

فرينة

خميرة الحلوى

الحشو :

بصلة

نصف صدر دجاج

فلفل أسود

معدنوس 

زيتون أخضر

جبن 

طريقة التحضير 

نخلط كأس حليب دافئ + نصف كأس زيت+ بيضة كاملة و بياض بيضة + مغرف كبيرة خميرة الخبز و مغرف كبيرة سكر نخلط نزيد الملح نخلط و نزيد شوية فرينة مع كيس خميرة الحلوى نخلط مليح بالفوي

نبدأ نزيد الفرينة حتى نتحصل على عجينة طرية ندلكها شوية حتى تولي رطبة ونغطيها ونخليها تخمر ما بين 30 إلى 45د

الحشو :

في مقلة نحط شوية زيت و نقلي حبة بصلة مقطعة رقيقة کي تذبال نزيد نصف صدر دجاج مطحون او حسب الرغبة و نقليهم مع بعض و نزيد ملح فلفل اسود و معدنوس نخلط و نزيد زيتون اخضر مقطع شرائح كنتي بدليتيلو الماء عدات مرات قبل و نخليهم يتقلاو حتى يطيب كلشي ملیح و نزيد جبن المثلثات نخلط كي يذوب نطفي و نخليه يبرد شوية

نرش طاولة العمل بالفرينة و نحل العجينة بالحلال رقيقة و شكل مستطيل کبير و نقطعها على اربعة شرائح

نحكم الشريحة الاولى نشكل خطوط في وسطها مبعد نحط الحشوتحط الخطوط على كامل الشريحة مبعد نلوي عليهم العجينة و نغلقهم مليح مبعد نزيد نلويها مبعد ندور الجانب الأعلى ل لشريحة حتی ندورها كاملة بشكل حلزوني

نحطها في سنيوة فيها ورق الطهي نکملهم كامل بنفس الطريقة و مبعد ندهنهم بصفار بيضة مخلط مع شوية حليب و نرشهم بالجلجلان

نشعل الفرن يسخن على درجة 190 الى 200*مدة 15د مبعد ندخلهم كي يطيبو مليح و يحمارو نخرجهم. 

شهية طيبة