خبيزات بعجينة فيها مكون يخليها بيضاء و خفيفة قطن بنة و هشاشة روعة

نقدم لكم اليوم في قسم المعجونات خبيزات بعجينة فيها مكون يخليها بيضاء و خفيفة قطن بنة و هشاشة روعة من تتحضير أم وليد.

المقادير

1/2 كاس حليب دافىء

 1/2 كاس ماء دافىء

بيضة كاملة

1/4 كاس زيت

1 ملعقة كبيرة سكر عادي

1 ملعقة كبيرة خميرة الخبز

1 كاس نشا (مايزية او طحين الذرى)

ملح

الفرينة

2 ملاعق كبيرة زيت

كرام فراش

التحضير

في اناء نضع الحليب،الماء الدافىء،بياض البيضة،السكر،خميرة الخبز،الزيت و نخلطهم مع بعض بالخلاط اليدوي حتى ينساجموا و نغطيه بكيس بلاستيكي و نتركه يرتاح لمدة 10 دقائق؛

نضيف النشا و نخلط ثم نضيف الملح و نخلط ثم نضيف الفرينة تدريجيا حتى تتلم و نتحصل على عجينة طرية و تتلسق قليلا؛

نضيف لها 2 ملاعق زيت ندهنها بها و نغطيها بكيس بلاستيكي و نتركها ترتاح لمدة تتراوح بين 45 دقيقة الى غاية 1 ساعة في مكان دافىء؛

نضعها فوق سطح العمل و نشكلها حربوش نقسمه الى قسمين و كل قسم نقسمه الى 6 اجزاء فنتحصل على 12 قطعة؛ كل خبزة نشكلها على شكل كرية صغيرة نضعها في السنية ؛

ثم نبسطها قليلا حتى نكمل كل الكريات ،نغطيها و نتركها ترتاح لمدة 15 دقيقة في هاته الاثناء نشكل الفرن على 190 درجة حتى يسخن؛

بعد مرور الوقت ندهن السطح بصفار البيض الممزوج مع كرام فراش و ندخلها للفرن حتى تاخذ اللون الذهبي و نخرجها و نتركها حتى تبرد و نقدمها؛

بالصحة و الهنا