حلوة الڨوفريط و حلوة الترك😍 بنة زمان ، تذوب في الفم ذوبان 😋

اليكم طريقة تحضير حلوة الڨوفريط و حلوة الترك بنة زمان ، تذوب في الفم ذوبان مقدم من أم وليد .

المقادير

العجينة: 

250 غ مارغرين طرية، 6 حبات جبن مثلثات، 1 ملعقة صغير فانليا، 1 ملعقة صغير خميرة كيماوية ،فرينة

الحشو:

الكاوكاو محمص مطحون رقيق، كمية من حلوة الترك، 1 ملعقة كبيرة ماء زهر؛

التزين: القوفريط مبشور، مربى المشمش، حلوة الترك

طريقة التحضير

العجينة: في اناء نضع المارغرين الطرية، الجبن،فانليا، و نمزجهم جيدا مع بعض حتى ينساجموا؛

نضيف قليل من الفرينة و الخميرة الكيماوية ثم نمزجهم مع بعض و نضيف الفرينة تدريجيا حتى نتحصل على عجينة طرية لا تتلسق؛

الحشو: نضع الكاوكاو المحمص المطحون و نضيف له حلوة الترك و نفتتها جيدا ثم نضيف ماء الزهر و نمزجهم مع بعض؛

نسوي الحشو و نغلق الاطراف جيدا ثم نلفها باليد حتى يبقى الوسط خشن و الاطراف تصبح رقيقة فنتحصل على شكل يشبه الهلال؛

نضعها في سنية بها ورق الطهى و ندخلها الى فرن مسخن من قبل على 180 درجة حتى تطيب و تتحمر؛

ناخذ مربى المشمش و نضيف له حلوة الترك و نمزجهم مع بعض جيدا و من جهة اخرى نبشر القوفريط؛

ناخذ حبة الحلوى و ندهنها بفرشاة بمزيج المربى و حلوة الترك ؛

ثم نضعها في القوفريط المبشور و نضعها على جنب و نتركها تجف؛

نضعها في حاويات التقديم و نزينها بورود الشوكولاطة؛

ملاحظــــــــــة: بهاته المقادير تحصلت على 25 حبة؛

بالصحة و الهنا