حلوة بريستيج محشية بحشو ذوق شوكولا 🍫كرنشي و بنين 😋و طريقة شحال ساهلة👌

اليكم طريقة تحضير حلوة بريستيج محشية بحشو ذوق شوكولا 🍫كرنشي و بنين و طريقة شحال ساهلة مقدمة من أم وليد .

المقادير

القاعدة: 

125 غ مارغرين طرية،2 ملاعق كبيرة سكر رطب،2 ملاعق كبيرة زيت، 1 حبة بيض كاملة،فانليا، 1/2 ملعقة صغيرة خميرة كيماوية، فرينة

الحشو: 

 1 علبة قوفريط ذوق شوكولاطة، كمية من الكاوكاو محمص و مطحون بقشوره،شوكولاطة الطلاء ذوق شوكولاطة

الجزء العلوي: 

 125 غ شوكولاطة بيضاء، 1 ملعقة كبيرة كاوكاو محمص و مطحون بقشوره

التزيين: 

 حبات بندق، ورود، ناكري سائل، حاويات التقديم

طريقة التحضير

القاعدة: في اناء نضع المارغرين الطرية، السكر الرطب، الزيت، البيضة،فانليا و نخلطهم جيدا مع بعض ثم نضيف قليل من الفرينة و الخميرو الكيماوية و نخلطهم مع بعض.نضيف الفرينة تدريجيا و نلم حتى نتحصل على عجينة صابلي، نطبعها بطوابع دائرية و نضعها في سنية و ندخلها الى فرن مسخن من قبل على 180 درجة، فنتحصل على الشكل الموضح؛

الجزء العلوى: ناخذ مول سليكون يكون يحتوى على شكل دائري و قطر القاعدة الى عملناها يكون كبير قليل على قطر مول السليكون؛

ناخذ الشوكولاطة البيضاء و نقطعها الى قطع صغيرة و نضعها في حمام مائي على نار قليلة حتى تذوب ثم نضيف لها الكاكوكاو المحمص المطحون بقشوره و نخلط؛

الحشو: ناخذ علبة القوفريط نبشرها و نضيف لها الكاوكاو المحمص المطحون و نخلطهم مع بعض ثم نلمها باستخدام شوكولاطة الطلاء ، نتحصل على حشو يكون طري؛

نملاء مول السليكون بالحشو و نسوي السطح و نرجعه للثلاجة لمدة 15 دقيقة؛

ناخذ قاعدة و نضع لها قليل من الشوكولاطة و نلصق فوقها الجزء العلوي؛

نضع قليل من الشوكولاطة و نلصق حبة البندق و الورود ثم نزين بخطوط من الناكري السائل الذهبي و نضعها في حاويات التقديم؛

بالصحة  و الهنا