حلوة الموكا ، وحد البنة 😋وحد التناغم 😍روعة

اليكم طريقة تحضير حلوة الموكا ، وحد البنة وحد التناغم روعة مقدمة من أم وليد .

المقادير

العجينة: 

250 غ مارغرين طرية، 1 ملعقة كبيرة قهوة سريعة الذوبان، 1 ملعقة كبيرة ماء، 1/2 كاس عسل او ما يعادل 125 غ، 1 حية بيض كاملة، 1 كيس خميرة كيماوية وزن 10 غ، فرينة؛

كريمة الزبدة: 

125 غ مارغرين طرية، 4 ملاعق كبيرة سكر رطب، 1 ملعقة صغيرة قهوة سريعة الذوبان، 1 ملعقة صغيرة ماء، فنجان صغير او كاس شاي من الزيت؛

القلاصاج: 

200 غ شوكولاطة بيضاء، كمية قليلة من شوكولاطة بالحليب، شوكولاطة سوداء، 1 ملعقة كبيرة زيت؛

طريقة التحضير

العجينة: نضع القهوة سريعة الذوبان في الماء حتى تذوب، في اناء نضع المارغرين، قهوة سريعة الذوبان بعد ما تذوب، عسل، بيضة كاملة و نخلطهم مع بعض جيدا حتى ينساجموا ثم نضع قليل من الفرينة و الخميرة الكيماوية و نخلط، نضيف الفرينة تدريجيا حتى نتحصل على عجينة طرية؛

ناخذ كيس بلاستيكي و نضع فوقه العجينة و نفتحها بالحلال ثم نطبعها على شكل دوائر؛

نضعها في سنية و ندخلها للفرن على 180 درجة حتى تاخذ اللون الاحمر و تطيب؛

ناخذ مول على شكل حبات قهوة و نسكب فيه شوكولاطة سوداء بعد ما نذوبها في حمام مائي و نتركها حتى تبرد و تتماسك جيدا، التزين يبقى اختياري يمكن التزين باي شىء؛

ناخذ حبة من الحلوى و نضع في الوسط كمية من كريمة الزبدة ثم نضع فوقها حبة ثانية و نضعها تجف لمدة 2 ساعة؛

القلاصاج: نقطع الشوكلاطة البيضاء الى قطع و نضيف لها ايضا كمية من شوكولاطة الحليب و نضعها فوق حمام مائي حتى تذوب و ينساجموا مع بعض ثم نطفىء فنتحصل على لون الموكا، نضيف لها الزيت و نخلطها فتصبح جاهزة للقلاصاج؛

ناخذ حبة من الحلوى و نسكب فوقها الشوكولاطة ثم نهزها حتى ينزل الفائض نضعها فوق ورق الطهى؛

و نزين بحبات القهوة اللى عملناهم و نتركها حتى تجف و نضعها في حاويات التقديم؛

ملاحظــــــــــة: بهاته الكمية تحصلت على 45 حبة؛

بالصحة و الهنا