قريوش جزائري مقرمش و مورق و خفيف ، بلا ماشينة و بلا بيض من الالف الى الياء 😋👍👍

اليكم طريقة تحضير قريوش جزائري مقرمش و مورق و خفيف ، بلا ماشينة و بلا بيض من الالف الى الياء مقدمة من أم وليد .

المقادير

500 غ فرينة

1 ملعقة صغيرة خميرة كيماوية (5غ)

1 ملعقة صغيرة فانليا

قرصة ملح

125 غ زبدة التوريق او السمن

مايزينة (نشا)

عسل

جنجلان

حاويات التقديم

طريقة التحضير

في اناء نضع الفرينة،خميرة كيماوية،فانليا،قرصة ملح و نخلطهم مع بعض ثم نضع ثقب في الوسط و نسكب فيه الزبدة و نضيف فوقها قليل من الماء و نلم ثم نضيف الماء تدريجيا و نلم حتى نتحصل على عجينة طرية وسط؛

نضعها فوق مكان العمل و نلمها دون دلك حتى تتجانس و نضعها في كيس بلاستيكي و نتركها لمدة 1 ساعة ترتاح؛

ملاحظة: كل ما اطلت مدة ارتياح العجينة يكون احسن؛

ناخد العجينة و نقطعها الى 4 قطع ، نرجع القطع 3 في الكيس البلاستيكي و ناخذ القطعة الاولى و نفتحها بالحلال؛

و نطبقها على 2 اي في التالي تكون مطبقة على 4 و نتركها ترتاح لمدة 5 دقائق بعد ما نوضعها في الكيس البلاستيكي(نفس الطريقة مع باقي الاجزاء)؛

ناخذ القطعة الاولى بعد ما تكون ارتاحت و نفتحها بالحلال على الطول حتى تصبح رقيقة و رطبة و ننزع الاطراف بالجرارة(الة القطع) ثم نضع 4 خطوط و الخط الخامس نقطع به ؛

ناخذ قطعة ثم نظفرها و نقلبها حتى تصبح على شكل وردة و نضعها في سنية و نغطيها حتى لاتجف؛

نضع الزيت على النار و اول ما تسخن ننقص لها حتى تصبح متوسطة و نضع فيها القريوش و نبدا نرمي عليه الزيت على الوجه حتى تنتفخ ؛

ننزعها و نتركها تبرد تماما ثم ندفىء العسل و نعسلها و نزينها بالجنجلان و نضعها في حاويات و نقدمها؛

بالصحة و الهنا