فطورك و لا عشاك عليا ليوم ، بلا قليان و بلا لحوم وصفة بنينة و خفيفة 👌.

اليكم طريقة تحضير وصفة غراتان سهلة و اقتصادية مقدمة من أم وليد .

المقادير

حبة بصل، كمية من البطاطا، 1 ملعقة كبيرة طماطم مصبرة، 1/4 كاس زيت، قليل من الماء، ملح ، فلفل اسود، فلفل احمر حلو، زنجبيل، جبن مبشور؛

صوص بشاميل: 

1 و 1/2 كاس حليب، 1 ملعقة كبيرة فرينة، 1 ملعقة كبيرة مارغرين او زبدة، قطعة جبن، ملح، فلفل اسود؛

طريقة التحضير

ناخذ البصلة نقطعها الى شرائح طولية ثم نضيف لها الملح و الفلفل الاسود و نخلطهم مع بعض حتى ينساجموا و نضعها في مول يدخل الفرن كطبقة اولى و نسويها جيدا؛

ناخذ البطاطا نقطعها الى نصف دائرة تكون حجم متوسط و نتركها على جنب، في اناء نضع الطماطم المصبرة و نضيف لها الزيت، فلفل احمر حلو، زنجبيل، فلفل اسود و نخلطهم مع بعض ثم نضيف قليل من الماء و نخلطهم حتى نتحصل على صلصة؛

نضع فيها البطاطا و نخلطها جيدا ثم نضعها فوق طبقة البصل كطبقة ثانية و لازم الطبقة ما تكونش خشنة؛

الصلصة المتبقية نضيف لها قليل من الماء و نسكبها في المول من الجوانب و نحاول نمشيها؛

ناخذ ورق الطهى و نبلله ثم نغطى به المول و نضيف ايضا ورق الالمنيوم و ندخله الى الفرن على 190 درجة لمدة 45 دقيقة حتى يطهى؛

صلصة البشاميل: في اناء نضغ الفرينة،مارغرين او الزبدة و نضعه فوق النار و نتركهم حتى يتجمروا ثم نضيف الحليب تدريجيا مع التخليط المستمر و نضيف لها قطعة الجبن و نخلط و اول ما تبدا تخثار نطفىء النار؛

نسكب الصوص بشاميل فوق طبقة البطاطا و نضيف فوقها طبقة من الجبن المبشور ونرجعها للفرن حتى تتجمر ونخرجها و نقدمها؛

بالصحة و الهنا