وصفة صيفية خفيفة بعجينة هشة و طرية و حشو بسيط و خفيف 😋

اليكم طريقة تحضير وصفة صيفية خفيفة بعجينة هشة و طرية و حشو بسيط و خفيف مقدمة من أم وليد .

المقادير

العجينة : 

4 كؤوس فرينة،1 ملعقة كبيرة خميرة الخبز، 1 ملعقة كبيرة سكر عادي، 2 ملاعق كبيرة زيت، 1/2 ملعقة صغيرة ملح؛ 1 ملعقة كبيرة مارغرين طرية، ماء دافىء؛

الحشو: 

بصلة ، دجاج مقطع مربعات، زيت، 1/2 ملعقة كبيرة خردل ، 1/2 ملعقة كبيرة كاتشاب، ملح ، فلفل اسود،خس، طماطم شرائح، جبن مبشور؛

طريقة التحضير

العجينة: في اناء نضع الفرينة بعد ما نغربلها و نضيف لها خميرة الخبز، السكر العادي، الملح و نخلطهم مع بعض ثم نضيف الزيت و نبسسهم مع بعض ثم نضيف الماء الدافىء تدريجيا حتى تتلم العجينة؛

نضعها فوق سطح العمل و ندلكها لمدة 1 دقيقة ثم نضيف لها المارغرين الطرية و ندلكها حتى تنسجم مع العجينة و تصبح رطبة و متماسكة؛

نرجعها للاناء و نرشها بالفرينة و نغطيها بكيس بلاستيكي و نتركها ترتاح لمدة من 30 الى 45 دقيقة؛

و نرش الفرينة على سطح العمل نضعها فوقه و نشكلها حربوش ثم نقطعها الى 10 كريات متساوية الحجم؛

ناخذ سنية بها ورق الطهي و نضع فيها الكريات ثم نرش الفرينة على سطح الكريات و نبسطها حتى تصبح رقيقة ، نغطيها و نتركها ترتاح لمدة 15 دقيقة الوقت اللى نشعل فيه الفرن يسخن؛

ناخذ حبة بيض كاملة نخلطها و ندهن بها السطح ثم ندخل السنية الى فرن مسخن من قبل على 200 درجة؛

الحشو: في مقلاة نضع الزيت تسخن ثم نضيف لها البصلة المبشورة و نقليها حتى تطيب ثم نضيف لها كمية من صدر الدجاج مقطع مربعات و نقليهم مع بعض و نضيف ملح ، فلفل اسود و نتركهم حتى يطيبوا ثم نضيف الخردل ، كاتشاب و نخلطهم مع بعض و نطفىء؛

نفتح الخبز في الوسط بسكين المنشار و نضع كمية من الحشو ، ورقة خس، شريحة طماطم و كمية من الجبن المبشور و نقدمهم؛

بالصحة و الهنا