مملحة في 10دقايق و متحتاجش وقاف بزاف ، مورقين و خفاف و اكيد بنينة 👍

اليكم طريقة تحضير مملحة في 10دقايق و متحتاجش وقاف بزاف ، مورقين و خفاف و اكيد بنينة مقدمة من أم وليد .

المقادير

العجينة : 

250 غ فرينة، 125 غ زبدة التوريق، 1 ملعقة صغيرة سكر عادي، 1/2 ملعقة صغيرة ملح، 1 ملعقة كبيرة زيت، ماء بارد جيدا؛

الحشو: 

لحم مفروم طايب، جبن ؛

التزيين: 

1 حبة بيض، جنجلان، جبن مبشور؛

طريقة التحضير

العجينة: في اناء نضع الفرينة و نضيف لها السكر، الملح و نخلطهم مع بعض ثم نضيف الزيت و نبسسه معهم، نضيف زبدة التوريق بعد ما نبشرها و نخلطهم مع بعض؛

ثم نضيف الماء البارد جيدا بالتدريج و نلم دون عجن حتى تتلم؛

نضع الفرينة فوق سطح العمل و نضع العجينة و نفتحها بالحلال على شكل مربع ، نطويها من الجوانب الاربعة حتى نتحصل على مربع؛

و نفتحها مرة ثانية بالحلال على شكل مربع ثم نطويها من الجوانب الاربعة على شكل مربع و نضعها في كيس بلاستيكي و ندخلها للثلاجة حتى ترتاح لمدة 1 ساعة؛

نضع الفرينة فوق سطح العمل و نضع فوقه العجينة و نفتحها بالحلال على شكل دائري و سمكها يكون رقيق؛

نقطعها الى مثلثاث ، تحصلت على 16 مثلث و نزين في الطرف بخطوط مائلة؛

في الطرف الثاني من المثلث نضع اللحم المفروم الطايب، جبن مربعات و نغلق عليه بالطرف الثاني كما هو موضح؛

ندهن السطح بحبة بيض و نرشة بالجنجلان و ندخلها للفرن مسخن على 180 درجة؛

لما نخرجها نزينها بالجبن المبشور و نقدمها؛

بالصحة و الهنا