محاجب بعجينة تذوب في الفم و ماشي معلكين بطريقة سهلة دون تعب و البنة 😋

اليكم طريقة تحضير محاجب بعجينة تذوب في الفم و ماشي معلكين بطريقة سهلة دون تعب و البنة مقدمة من أم وليد .

المقادير

العجينة : 

1كا س سميد رطب، 2 كاس ماء، 1 ملعقة صغيرة سكر عادي، قرصة من خميرة الخبز، 1 ملعقة كبيرة زيت، ملح ، فرينة؛

الحشو: 

بصل، طماطم، ملح ، زيت؛

طريقة التحضير

العجينة: في اناء نضع السميد الرطب، الماء، السكر العادي، خميرة الخبز، الزيت و نخلطهم بالميكسور جيدا حتى ينساجموا لمدة 2 دقائق؛

نضيف الملح و الفرينة تدريجيا حتى تتلم و نضعها فوق سطح العمل و ندلكها لمدة 5 دقائق حتى تصبح تتلسق،نرجعها للاناء و نضيف لها الزيت و نلمها ثم نغطيها بكيس بلاستيكي و نتركها ترتاح لمدة30 دقيقة؛

ناخذ سنية ندهنها بالزيت و نشكل كريات صغيرة و نضعها فيها ثم ندهن سطح كل كرة بالزيت و نغطيهم بكيس بلاستيكي و نتركهم يرتاحوا لمدة 16 دقيقة؛

و ناخذ الكرة الاولى ونضع فوقها الزيت و نفتحها ثم نضع لها الزبدة الذائبة و رشة من السميد ثم نطوي الطرفين العلوي و السفلي ؛

و ندهنها بالزبدة الذائبة و رشة من السميد و نطوي الطرفين الجانبييين حتى نتحصل على مربع نتركه على جنب؛

ناخذ الكرة الثانية نضع لها الزيت و نفتحها ثم ندهنها بالزبدة الذائبة و رشة من السميد الرطب و نضع في الوسط المربع الاول و نطوي عليه الطرفين العلوي و السفلي ؛

و ندهن بالزبدة و رشة سميد ثم نطوي الطرفيين الجانبيين و نرجعها للسنية نغطيها بكيس بلاستيكي و نتركها حتى ترتاح لمدة 5 دقائق؛

نرجع للخبزة الاولى نفتحها على شكل دائري و نضع لها في الوسط الحشو و نغلق الحواف حتى تاخذ الشكل الدائري و نقلبها و نرجعها ترتاح لمدة 5 دقائق؛

نرجع للخبزة الاولى و نفتحها ثم نضعها في طاجين به رشة من الزيت و نرش سطح الخبزة بقليل من الزيت و نتركها حتى تاخذ اللون الاحمر من الاسفل؛

و نقلبها حتى تتحمر على الوجه الثاني و ننزعها؛

بالصحة و الهنا