اليكم طريقة تحضير طاجين الخوخ بطريقة اقتصادية و سهلة التحضير ، و البنة الجزائرية حاضرة ، مقدم من أم وليد .
المقادير
المرق الأبيض :
- 2 أطراف دجاج
- نصف صدر دجاج صغير
- بصل مبشور
- قرفة
- فلفل أسود
- ملح
- حمص
حبات الخوخ :
- 3 حبات بطاطا
- معدنوس
- بيضة
- فرينة
- شابلور
- زيت
طريقة التحضير
- لاعداد المرقة البيضاء نخلط أطراف الدجاج مع نصف صدر دجاج مع نصف بصلة مبشورة و نخليها تتقلى مليح , ثم نضيف عود القرفة و رشة فلفل أسود و رشة ملح و حبيبات حميصة و نضيف الماء الساخن باش يطيبو .
- في كاسرونة أخرى نضع كمية من البطاطا مقطعة الى أطراف تغلي في الماء
- بعدما طابت قطع البطاطا نضعها في صحن و نضيف اليها رشة من الفلفل الأسود و الملح , ثم نربزها جيدا .
- نضيف اليها صحن صغير من الدجاج الطايب و المفتت (نصف صدر الدجاج المفتت) , مع معدنوس مقطع و حبة صفار البيض (نترك بياض البيض في صحن أخر) و نخلط جيدا المكونات , ثم نضعها في الثلاجة لتبرد قليلا .
- لما يبرد الخليط نشكل كريات من خليط البطاطا و نضعها في صحن الفرينة ثم في صحن بياض البيض ثم نرمدهم جيدا في لاشابلور
- نمسك كل حبة و نشرطها بالسكين من فوق و ثقب باليد على اليسار , لتصبح على شكل حبة خوخ
- نضعهم في مقلاة بها زيت نقلبهم حتى يتحمرو مليح
- في صحن نضع مرقة الدجاج البيضاء التي أعددناها سابقا من أطراف الدجاج و نزينها بحبات الخوخ المقلية مع وريقات المعدنوس أو النعناع .
شهيتكم طيبة
.jpg)
Post a Comment