كيش بعجينة تڨرمش تڨرميش 😋 و حشو اقتصادي لا لحم لا دجاج تحفة 👌

اليكم طريقة تحضير كيش بعجينة تڨرمش تڨرميش 😋 و حشو اقتصادي لا لحم لا دجاج تحفة 👌 مقدمة من أم وليد .

المقادير

العجينة :

- 2 كؤوس فرينة (نصف رطل)

- م.ص سكر

-خميرة الحلوى

- 125 غ مارغارين

- 2 م.ك زيت

- حبة بيض

الحشو :

- بصل

- زيت

- ربطة سلق

- معدنوس

- فلفل أسود

- ملح

التزيين :

- 2 بيضات

- 2 ياوورت طبيعي (أو كرام فراش)

- جبن فرماجة

طريقة التحضير

- لاعداد العجينة نضع في اناء 2 كؤوس فرينة مع ملعقة صغيرة سكر مع نصف ملعقة صغيرة خميرة الحلوى مع الملح مع 125غ المارغارين مع 2 ملاعق كبيرة زيت و نخلط جيدا باليد

- نضيف حبة البيض و القليل من الماء و نلم في العجينة .

- نضعها في كيس بلاستيكي و نتركها ترتاح

- لاعداد الحشو في مقلاة نضع القليل من الزيت مع بصل مقطع لشرائح رقيقة

- نضيف بشوية أوراق السلق المقطعة لأطراف حتى تذبال و نكمل كامل الربطة , و نضيف اشوية معدنوس و فلفل أسود و رشة ملح , و نبدا نخلط حتى يتجمر مليح و ينشف من الماء .

- نفتح العجينة على كيس بلاستيكي و نضع القليل من الفرينة على الوجه و نبسطها باللوح الخشبي

- نحكم الكيس البلاستيكي من تحت و نقلب العجينة على المول تاعنا , ثم نبسطها جيدا و ندير ثقاب عليها بفرشيطة 

- في اناء أخر نخلط جيدا 2 بيضات مع 2 علب ياوورت طبيعي و اشوية فلفل أسود و ملح

- نضع حشو السلق فوق الكيش المبسوط على المول .

- نقطع فوق المول قطع صغيرة من جبن فرماجة .

- ثم نفرغ عليها خليط البيض و الياوورت الطبيعي الذي أعددناه سابقا , ثم نبشر عليها القليل من الجبن من فوق .

- ندخلها للفرن تطيب و تحمر

شهيتكم طيبة