طاجين صبيعات الجاج ، زاكي و بنين 😋 يوالم للرمضان

اليكم طريقة تحضير طاجين صبيعات الجاج ، شهي و لذيذ , يوالم شهر رمضان مقدم من أم وليد .

المقادير

مرقة البقري :

- لحم بقري

- حبة بصل

- 2 فصات ثوم

- قرفة العود

- فلفل أسود

- راس الحانوت

- حميصة طايبة

- ملح

- زيت

- ليمون

صبيعات الدجاج :

- نصف صدر دجاج مطحون

- بيضة واحدة

- م.ك شابلور

طريقة التحضير

- نضع أطراف البقري في في كوكوت أو طنيجرة بها زيت 

- نضيف اليها نصف حبة بصل مبشورة (مكرفجة) و نخلط , ثم 2 فصوص ثوم مبشور .

- لما يتقلاو نضيف اليهم قرفة العود مع فلفل أسود مع القليل من راس الحانوت و الملح و نمرق بالماء الساخن .

- في اناء أخر نضع نصف صدر الدجاج المطحون مع نصف بصلة مبشورة مع بيضة واحدة و القليل من المعدنوس و ملعقة كبيرة شابلور مع فلفل أسود و رشة ملح مع ملعقة صغيرة راس الحانوت و نخلط كلشي مع بعض .و نخلوه الخليط يريح اشوية .

- لما يطيب لحم البقري في الكوكوت نضيف كمية الحميصة الطايبة اليها و نخليها حتى تغلي

- نأخد خليط الدجاج و نشكل الصبيعات و نرمدهم في الفرينة حنى نكمل كامل الكمية .

- نقليهم في المقلاة على زيت ساخنة حتى يتحمرو .

- نضع الصبيعات المقلية في كوكوت لحم البقري حتى يطيبو و يشربو المرقة تاعهم لمدة 5 دقائق الى 10 .

- في صحن التقديم نضع اللحم و الحميصة في الوسط و الصبيعات على الأطراف و نزينها بشريحة ليمون من فوق .

شهيتكم طيبة