الفلون لازم يكون حاضر في رمضان،جربي هاذ الطريقة اللي ساهلة و بنينة فلون السنيوة تحفة 😋

اليكم طريقة تحضيرالفلون لازم يكون حاضر في رمضان،جربي هاذ الطريقة اللي ساهلة و بنينة فلون السنيوة تحفة مقدمة من أم وليد .

المقادير 

الطبقة الأولى : 

- علبة بسكويت (ماكاو بيمو ذوق الشكلاطة)

- 125 غ زبدة

الطبقة الثانية :

- ريطلا حليب

- 2 أكياس فلان كراميل (حجم 50 غ)

- 3 م.ك مايزينة

- 3 م.ك سكر

- م.ص لافاني

الطبقة الثالثة :

- 3/4 كأس سكر

- 3/4 كأس ماء

- م.ك مايزينة

التزيين :

- شكلاطة الطلي

طريقة التحضير

- نطحن علبة البسكويت في hachoire , ثم نذوب 125 غ زبدة و نفرغها على البسكويت  و نخلط جيدا 

- نفرغ الخليط على مول (23سم على 23 سم) ,و نبسطه جيدا حتى يتماسك .

- نضع ريطلا حليب في كاسرونة مع 2 أكياس فلان ذوق كراميل مع 3 ملاعق كبيرة مايزينة مع 3 م.ك سكر و نخلط جيدا , ثم نضعهم على النار و نبقى نخلط بدون توقف , حتى يغلي و نطفي عليه و نزيد ملعقة صغيرة تاع لافاني و نخلط .

- نفرغ الخليط على طبقة البسكويت في المول , و نخليه يبرد .

- في كاسرونة نضع كأس الا ربع سكر (3/4) على نار هادئة , لما نشوفو بدا يولي كراميل نخلطو , و نخليه يذوب مليح .

- في كأس أخر الا ربع من الماء البارد نضيف له ملعقة كبيرة ماشي معمرة مايزينة  و نخلطو .

- نضيف كأس المايزينة الى كاسرونة الكراميل و على نار هادئة نبدا نخلط غير بالعقل .

- نفرغ الطبقة الثالثة من خليط الكراميل على المول 

- اختياريا نزين الفلون من فوق باستخدام شكلاطة الطلي ذائبة في كيس بلاستيكي مثقوب , و نشكل خطوط أفقية و عمودية .

- نذخله للثلاجة حتى يبرد جيدا و نقدمه .

شهيتكم طيبة