حلوة الكوكاو محشية كرامال ، بنة خرافية ، جربوها رايحين تستمتعو بالبنة 😋😍👍

اليكم طريقة تحضير حلوة الكوكاو محشية بالكرامال لذة و بنة هايلة , و سهلة التحضير مقدمة من أم وليد.

المقادير

العجينة :

فرينة

250 غ زبدة طرية 

2 صفار البيض

1/2 كأس زيت

3/4 سكر رطب

م.ص لافاني

2 م.ك شكلاطة الطلي (أوبتيلا ذوق البندق)

2 كؤوس كاوكاو محمص و مطحون

2 م.ك كاكاو بني مر 

كيس خميرة الحلوى

التزيين :

علبة كاراميل للطلي

شكلاطة بيضاء

2 م.ك زيت

م.ك كاوكاو محمص و مطحون

عقاش ذهبي

طريقة التحضير

- لاعداد العجينة نخلط باليد المكونات الأساسية من 250 غ مارغارين مع 2 صفار البيض مع نصف كأس زيت مع كأس الا ربع سكر رطب مع ملعقة صغيرة لافاني مع 2 ملاعق كبيرة سكلاطة الطلي ذوق البندق مع 2 كؤوس كاوكاو محمص و مطحون. 

- ثم نخلط معه 2 ملاعق كبيرة من الكاكو البني المر

- نضيف القليل من الفرينة و كيس من خميرة الحلوى و نخلط , و نبقى نضيف في الفرينة حتى تلتم العجينة .

- نستخدم كيس بلاستيكي و نبسط العجينة بالمحلاب على الطاولة 

- نطبع الحلوى على شكل قلوب أو أي شكل تريدينه و نضعهم في السنيوة , و ندخلها تطيب على 170 الى 180 درجة و ما تحمريهمش فوق اللازم .

- نلصق كل حبتين بكابريز للطلي 

- نقطع الشكلاطة البيضاء لقطع صغيرة و نضيف لها 2 ملاعق الى 3 من الزيت و نضعها في حمام مائي و نخلطها حتى تذوب كليا .

- لما تذوب الشكلاطة البيضاء نخلط معهم ملعقة كبيرة و نصف كاوكاو مطحون و محمص

- نأخد كل حبة حلوى ملتصقة و نقلاصيها في خليط الشكلاطة البيضاء و نضعهم على السنيوة 

- من فوق اذا كانت الحبة بيضاء تزينيها بخطوط الشكلاطة البيضاء و اذا كانت سوداء تزينيها بخطوط شكلاطة سوداء و القليل من العقاش الذهبي و تقدميها 

شهيتكم طيبة